Mga Hukom 17:9-11

Magandang Balita Biblia

⁹ Tinanong siya ni Micas, “Tagasaan ka?”

“Ako po'y taga-Bethlehem, Juda at isang Levita. Naghahanap po ako ng matitirhan,” sagot niya.

¹⁰ Sinabi ni Micas, “Kung gayon, dito ka na. Gagawin kitang tagapayo at pari. Bibigyan kita ng sampung pirasong pilak taun-taon, bukod sa damit at pagkain.” ¹¹ Pumayag ang Levita sa alok ni Micas at siya'y itinuring nitong parang tunay na anak.